http://andriasyansimon.do.am

ՄԵՐ ՊԵՏՈՒԹՅԱՆԸ ՊԵՏՔ ԵՆ ԲԱՆԻՄԱՑ ԵՒ ՀՈԳԱՏԱՐ ՄԱՐԴԻԿ

andriasyan — Thu, 21 Jun 2012 08:10:26 GMT

Մեր պետությանը պետք են բանիմաց և հոգատար մարդիկ

Արարատյան դաշտավայրի գյուղերից է, գտնվում է Արարատի մարզի Մասիսի տարածաշրջանում: Ծովի մակարդակից ունի 832 մետր բարձրություն: Նախկինում ունեցել է Մեխմանդար, Մեհմանդար, Միհմանդար, Շալլու, Շոռլու, Մեհմանդար անվանումները: Հովտաշատ է վերանվանվել 1978թ-ին: Բաղկացած է 1009 տնտեսությունից : ՈՒնի դպրոց , գրադարան համայնքի տնտեսության մասնագիտացման ճյուղը գյուղատնտեսությունն է, համախառն բերքի մեծ մասը տալիս է բուսաբուծությունը : Համայնքի հողերի հիմնական մասն օգտագործվում են որպես վարելահողեր: Կան նաև պտղատու և խաղողի այգիներ: Հովտաշատ համայնքը ղեկավարում է 1939-ին Իրանում ծնված, ծնողազուրկ անցկացրած, 1947-ին հայրենադարձված Սիմոն Անդրիասյանը : 2006-ին ՀՀ նախագահի կողմից պարգևատրվել է Անանիա Շիակացու անվան ոսկե մեդալով : 70 ամյակի առթիվ պարգևատրվել է նաև Նանսենի ոսկե մեդալով ,ինչպես նաև ստացել է բազմաթիվ շնորհակալագրեր և պատվոգրեր մարզպետարանի կողմից;
Պրն Անդրիասյանը պատմում է, որ ինչպես ողջ հանրապետությունում այնպես էլ Հովտաշատում կան շատ անավարտ գործեր: բայց այժմ կարող են փաստել որ առաջին անհրաժեշտության բազմաթիվ խնդիրներ են լուծվել գյուղում: Այն ինչ երազանք է թվացել, իրականացել է: Հիմնանորոգվել է գյուղի դպրոցն ու մանկապարտեզը, բուժկետը,որտեղ բնակչությանը սպասարկում են լավագույն մասնագետները: Գյուղում գործում է կահավորված սեղանատուն, որը բնակիչներին տրամադրում է անվճար հաշվի առնելով մերօրյա ֆինանսական դժվարությունները: Մեծ ծավալի աշխատանքներ են իրականացվել ճանապարհների վերանորոգման համար: Համայնքապետն նաև նշում է նաև մշակույթի տան վերանորոգման մասին, որի ջեռուցվող առաջին հարկը տրամադրվել է գյուղի մեծահասակներին և երիտասարդությանը զբաղվելու համար: Գյուղում անցկացվում են նաև մարզական միջոցառումներ , գործում են երգի, պարի խմբակներ: Զոհվածներին նվիրված հուշակոթող է կառուցվել: Գյուղը ունի զոհված ազատամարտիկների երկու ընտանիք, որոնց ապահովել են բնակարաներով: << Խաչիկ Աթանյանը 23 տարեկան մահապարտ է եղել, ցավոք, նրա դին չգտնվեց: Մենք ի պատիվ նրա` հուշաքար և գերեզմանաքար ենք կանգնեցրել- պատմում է գյուղապետ Սիմոն Անդրիասյանը :- Բարեկարգել ենք գերեզմանատուն տանող ճանապարհը` որպես մեր սրբավայր, որ մարդիկ ասֆալտապատ ճանապարհով գնան հարազատների շիրիմին այցի, սա շատ կարևոր եմ համարում մարդկանց դաստիրակության գործում>>:
Գյուղապետ Անդրիասյանի համոզմամբ`մարդը պետք է միշտ պատրաստակամ լինի բարության մարդասիրության և աշխատասիրություն դրսևորելու:
<< Ես հետևել եմ աստվածային 10 պատվիրաների խորհրդին, և ինձ միշտ ուղեկցել է հաջողությունը: Ես շատ ընթերցասեր եմ , գիտեմ գրքի արժեքը բայց իմ նախընտրած աշխատանքը գյուղատնտեսությունն է , քանզի համոզվեցի, որ պետք է լծվեմ գյուղի բարգավաճման աշխատանքներին: Մեր պետությանը պետք են բանիմաց և հոգատար մարդիկ: Ես դժգոհ չեմ իմ աշխատանքից և համագյուղացիներից >>:
Խոսելով 2012-ին կատարվելիք աշխատանքների մասին` գյուղապետը նշեց հետևյալը.<<Գյուղի փողոցներից 1,5 կմ ենք դեռ լուսավորել, պետք է 4 կմ էլ լուսավորենք: Վերանորոգելու ենք մանկապարտեզի շենքը,որը մասնակի վերանորոգված է: Վերջերս ի դեմս մարզպետի`Պրն Բարսեղյանի, 12 մլն գումար ներդրում է կատարվել մանկապարտեզի համար: 30 միլիոն ել տրամադրվել է դպրոցում ջեռուցման համակարգ անցկացնելու համար: Գյուղն ունի ոռոգման և խմելու ջրի խնդիր: Պետական նախագծով նախահաշվարկ է պատրաստվում, որպեսզի Հովտաշատում քաղաքատիպ ջրամատակարարում իրականացվի այս տարի>>:

Աղբյուրը

Մարզային <<ԵՐԵՎԱԿ>>

Մարզային ԵՐԵՎԱԿ

Դժվարությունները մարդու համար են, և արդարացում չունեն դրանց պատճառով հայրենիքը լքողները…

andriasyan — Sun, 03 Jun 2012 16:42:22 GMT

Արարատի մարզի Հովտաշատ համայնքը ղեկավարում է 74-ամյա Սիմոն Անդրեասյանը: Այն հարցին, թե ինչպե՞ս է, որ այդ տարիքում էլ կարողանում է երիտասարդի եռանդով աշխատել ու ղեկավարել համայնքը` պահպանելով համագյուղացիների անվերապահ սերն ու վստահությունը, պարոն Անդրեասյանը հետևյալ պատասխանը տվեց.

-Սիրահարվածի համար կա՞, արդյոք, արգելք, որ սիրած անձնավորությանը հանդիպի: Ես այդպես կյանքին ու բնությանը սիրահարված եմ, ինչում ինձ համար արգելք չկա: Այս տարիներին չի եղել որևէ կնճռոտ հարց, որի լուծումը չկարողանամ գտնել: Լուծում, որը բխում է հասարակության և պետության շահերից: Միայն այս ճանապարհով մարդը կարող է ներշնչվել, լիցքավորվել, էներգիա ստանալ` արժանանալով թե° երկրի, թե° մարդկանց գնահատականին: Լիցքավորվում ես, երբ մարդկանց համար բարի գործ ես անում, ազնիվ նպատակներ ես դնում քո առջև, բարոյական նկարագրով ես հանդես գալիս, արդարության սկզբունքով ես առաջնորդվում: Մարդիկ լավ տեսնում, լավ էլ գնահատում են… Հինգերորդ շրջանն է, որ գյուղապետի պաշտոնին եմ, 1996 թվականից: Մինչև այդ 35 տարի դաշտավարական բրիգադի բրիգադավար եմ եղել, 4 տարի` ֆերմայի վարիչ: Ամբողջ կյանքս` մարդկանց հետ, նրանց մեջ: Գնահատվել եմ և° հասարակության, և° պետության կողմից: Մեդալներ, պարգևներ` <<Անանիա Շիրակացի>>, <<Ֆրիտյոֆ Նանսեն>> և այլն: Ինձ համար բարձր պատիվ է այդ ամենը: Ամենից շատ լավ եմ զգում այն մտքից, որ երկիրն ու հասարակությունն իմ կարիքը զգում են, որ ես իմ գործունեությամբ պիտանի եմ: Անկախ ամեն ինչից, յուրաքանչյուր քաղաքացի պետք է ջերմագին զգացմունքներ տածի իր երկրի, իր հայրենիքի հանդեպ: Ընտանիք, հասարակություն, երեխաներ` այս ամենը պայմանավորված է պետության կայացմամբ: Եթե պետությունը կայացած չէ, ապա այս ամենը ցիրուցան կլինի: Ինչպես այսօր ենք ականատես, երբ շատ մարդիկ, առանց գիտակցելու, հեռանում են հայրենի երկրից: Նրանց համար հետևյալ խոսքն ունեմ.<<Հոտից խրտնած ոչխարը գայլերին բաժին է դառնում>>: Հայրենիքից հեռացողներին նաև այս կերպ եմ դիմում. <<Հարազատիս մահը տեսածիս պես պիտի սգամ քո համար, շիրիմ անգամ չես ունենա, որ հիշատակդ մնա>>… Ինչ տարբերություն, գայլերը ոչխարներին կերան, թե տարբեր ազգերի միջավայրում ձուլվեցին ու անհետացան: Սա է ճշմարտությունը` որքան էլ ուզում է արդարացնեն: Արդարացնողներին դատապարտում եմ դավաճանի պիտակով: Ճիշտ է, դժվարություններ կան, բայց պիտի քչով բավարարվենք: Հայրենիքը ժառանգել ենք մարդկանց արյան գնով: Այն մարդկանց, ովքեր ներդրեցին իրենց ավյունը, գիտակցությունը և ստեղծեցին այս հրաշք երկիրը: Անհատներից նեղացած եք, բայց անհատները չէ, որ հայրենիք են կերտում, հայրենիքը մարդկանց բռունցքվելու հանրագումար է: Պետք է մնալ ու կառուցել երկիրը: Ես ամեն ինչ արել եմ ի շահ երկրի: Կյանքիս ձեռքբերումը ժողովրդի հարգանքն է, նվիրվածությունն անձիս հանդեպ: Ձեռքբերում չէ՞, երբ հաշվի են նստում քեզ հետ, երբ խորհրդիդ կարիքն է զգացվում…Համայնքի 4000 բնակիչ, մեծից փոքր, հարգում է քեզ, որովհետև տեսել է աշխատանքդ ու նվիրումդ…

Վերանորոգվել է դպրոցը, բուժամբուլատորիան, մանկապարտեզը /80 երեխա է հաճախում/: Գյուղը գազաֆիկացված է: Գլխավոր ճանապարհն ասֆալտապատված է, իսկ երկրորդայինները խճապատվել են: Վերանորոգված է մշակույթի տունը: Ունեն սեղանատուն /հանդիսությունների սրահ/, որի հատակն են սալիկապատում: Այնտեղ սեղան-աթոռները նորացնելու խնդիր կա: Բնակիչներն անվճար օգտվում են նրա ծառայությունից: Համայնքում առողջ բարոյահոգեբանական մթնոլորտ է տիրում, մարդկանց ձգտումը դեպի առողջ ապրելակերպն է, որտեղ արատավորն ու մերժելին տեղ չունեն:

-Պարոն Անդրեասյան, աստվածային պատվիրաններով առաջնորդվող անձնավորություն եք և կյանքում հաջողությունը Ձեր անբաժան ուղեկիցն է եղել: Գրքի, գրականության նկատմամբ առանձնակի սեր ունեք, բայց Ձեզ համար առավել նախընտրելին գյուղատնտեսության ոլորտն է, գյուղաշխարհը, որին նվիրվել եք անմնացորդ: Նաև այն հաստատ համոզումն ունեք, որ մեր երկրին ու պետությանն անհրաժեշտ են բանիմաց, սրտացավ մարդիկ: Իսկ, հետաքրքիր է, ի՞նչ կարծիքի եք ընկերության մասին:

-Ես այնքան էլ հակված չեմ այն մտքին, որ ընկերությունը կարող է շատ ազնիվ ու նվիրված լինել: Ավելի շատ հուսադրվում, ոգեշնչվում եմ մարդկանց ավելի մեծ, հավաքական խմբից: Ժողովուրդն է հուսալի ընկերդ, բարեկամդ և եթե ուզում ես ավելի կայուն, հուսալի ընկեր, ապա պիտի հասարակության լայն զանգվածների հետ ընկերանաս` տուրք չտալով նեղ անձնական մտայնությանը: Որքան նեղ անձնական հետաքրքրություն որոնես, այնքան վնասն ավելի մեծ կլինի, քանզի ոչ մի անհատ առանց շահի քեզ հետ ընկերություն չի անի: Քրիստոսից առավել չենք, ում Հուդան դավաճանեց: Սա պատահական դիպված չէ <<Աստվածաշնչում>>, եթե այդ ընկերությունն այդպես կայուն, մարդկային դրսևորում լիներ: Անհատի հետագա դրսևորումները կասեցվում են հենց ընկերոջ կողմից, ինչպես Քրիստոսինը: Ճշմարիտ ընկեր չկա: Իմ ձևակերպումը հետևյալն է. <<Ով քեզ շատ է սիրաշահում, կամ խաբել է, կամ պիտի խաբի>>: Եթե շահ չունենա, երբեք այդքան ջերմ, սրտագին չի լինի: Ենթատեքստում անպայման շահն է: Փորձեք մերժել այդ ընկերոջը, տեսեք` էլի կգա, կկանգնի ձեր կողքին, հարյուր անգամ լավություն արեք, մեկ անգամ մերժեք, տեսեք` էլի կգա, կկանգնի ձեր կողքին… Արդ, կհասկանաք, ինչպիսի ընկերություն է: Կա գաղափարի, կրոնի, դավանանքի, շահի ընկերություն: Գաղափարի ու կրոնի ընկերությունները շատ քիչ են: Փիլիսոփաներից մեկն ասել է. <<Ընկերությունը նման է վառարանի, պիտի շատ չմոտենաս, որ չվառվես, և չհեռանաս այնքան, որպեսզի չսառչես>>: Ով քեզ համամիտ կամ համակարծիք չէ, ավելի լավ է հեռանաս նրանից, որպեսզի կյանքի ընթացքում քեզ շատ ցավ, դառնություն չպատճառեն, նյութական ու բարոյական վնասներ չկրես: Իմ հաջողությունների գաղտնիքը նաև այն բանի մեջ է, որ ուսումնասիրել եմ մարդկային բնավորությունները, ծանոթացել եմ սկզբից, հարգանք եմ դրսևորել և սիրել եմ մարդուն: Եթե մարդու բնավորությունը գիտես և վարվելու ճիշտ ձևը չգիտես, ապա պատասխանատվությունն արդեն քեզ վրա է ընկնում: Այստեղ է ընկերության ճշմարտությունը: Մեծ գործեր եմ արել ի օգուտ բարեկամության, ընկերության, բայց վերջում հիասթափվել եմ: Միտքս է գալիս Շիրազի <<Շուն>> բանաստեղծությունը: Տերը ծերացած շանը տանում է, որ ծովում խեղդի: Քամուց նավակը շուռ է գալիս, շունը փրկում է տիրոջը և ափ հասցնում… Հանճարեղ գործ է, շունը, կենդանին ավելի հավատարիմ է, քան մարդը…

http://www.ynker.am/2012/06/blog-post_4679.html

Հովտաշատ համայնքում վերջին տարիներին կատարված աշխատանքները

andriasyan — Tue, 29 May 2012 17:03:58 GMT

1.Դպրոցի վերանորոգում, կահավորում, նոր դպրոցի կառուցում, դպրոցի բակի ասֆալտապատում, սպորտհրապարակի ճմապատում, համակարգիչների համար 2մլն դրամ հատկացում:
2.Բուժարանի լաբորատորիայի վերանորոգում:
3.Զոհվածների հուշակոթողի կառուցում:
4.Զոհվածների գերեզմանների բարեկարգում:
5.Գերեզմանոցի ճանապարհի ասֆալտապատում:
6.Գյուղամիջյան ճանապարհների խճապատում 52հազ.ք/մ:
7.Կենտրոնական ճանապարհների ամենամյա փոսային ասֆալտապատում:
8.Գազաֆիկացում:
9.Մանկապարտեզի 70-80 երեխաների համար տարեկան 10 մլն դրամի ներդրում:
10.350 տեղանոց սեղանատան կառուցում:
11.Մշակույթի տան վերանորոգում:
12.Ճանապարհների լուսավորության անցկացում:
13. 27կմ դրենաժային ցանցի մաքրում, խորացում և 7 կամրջի կապիտալ շինարարություն:
14.Կենտրոնական Ճանապարհի կապիտալ շինարարություն:
15.Գյուղապետարանի շենքի վերանորոգում:
16.Գյուղի փողոցների հասցեավորում և համարակալում:
17.Շինությունների տանիքների թիթեղապատում:
18.Ոռոգման և խմելու ջրի համար պոմպերի տեղադրում 4 հատ:
19.250հա վարձակալությամբ հողերի տրամադրում:
20.Սոցիալապես անապահով ընտանիքներին տարեկան 3.0մլն դրամական օգնության հատկացում:

2012թ-ին նախատեսված աշխատանքներ
1.Դպրոցում լոկալ ջեռուցում անցկացնել 30.0մլն դրամ:
2.Հանդիսությունների սրահի հատակի սալիկապատում:
3.Շարունակել ճանապարհների լուսավորություն անցկացկացնելու աշխատանքները:
4.Ճանապարհների բարեկարգում:
5.Խմելու և ոռոգման ջրի ցանցի անցկացում:
6.Մանկապարտեզի վերանորոգում և ներքին հարդարում:
7. Սոցիալապես անապահով ընտանիքներին 3.0մլն դրամական օգնության հատկացում:

ՀՀ ԱՐԱՐԱՏԻ ՄԱՐԶԻ ՀՈՎՏԱՇԱՏ ԳՅՈՒՂ

andriasyan — Tue, 29 May 2012 17:02:13 GMT

ՀՀ Արարատի մարզի Հովտաշատ գյուղը հիմնադրվել է 1947թ-ին: Նախկինում բնակվել են ադրբեջանցիներ, հետագայում 1946-1947թթ ներգաղթել են պարսկահայեր,սիրյահայեր և.լիբանանահայեր մոտ 43 ընտանիք :
1952թ-ին գյուղ են վերաբնակվել Ախուրյանի, Ապարանի , Թալինի, Կոտայքի, Մարտունու շրջաններից մոտ 170-180 ընտանիք: Այդ թվականներին բնակչությունը եղել է 450-500 մարդ, գնալով աճել է և այսօրվա դրությամբ կա 3845 մարդ 1040 ընտանիք, և ոչ մի փակ դուռ չկա:
Գյուղում գործում է դպրոց , որը կառուցվել է 1970թ-ին սակայն շենքի մի մասը գտնվում, Է անմխիթար վիճակում , գյուղապետի նախաձեռնությամբ կառավարության կողմից հատկացվել է գումար և 2005թ-ին կառուցվեց 350 տեղանոց դպրոցի նոր մասնաշենք և այսօրվա դրությամբ հաճախում են 570 աշակերտ:
Կառավարության և Մարզպետարանի աջակցությամբ, գյուղապետարանի ամենօրյա հետևողական աշխատանքով, Հովտաշատ գյուղը գնալով զարգանում է: Գյուղն ունի կուլտուրայի և մշակույթի տուն , մսուր- մանկապարտեզի տիպային շենք, որը գործում է և ունի 3 խումբ որտեղ հաճախում են 60-65 երեխա:
Գյուղը 2005-2008թթ լրիվ գազաֆիկացվել է: վերանորոգվել են ճանապարհները:
Գյուղում կա բուժամբուլատորյա կապի շենք վարսավիրանոց 10 հատ մթերային և խառը ապրանքների խանութ, փայտամշակման արհեստանոցներ երշիկի արտադրամաս, 2 բենզալցման կետեր, ավտոպահեստամասերի խանութ խանութ, ավտոսպասարկման կետ:
Գյուղում կան ձկնաբուծական տնտեսություներ, գուրծում է ասոցիացիայի գյուղ-տեխնիկայի սպասարկման կենտրոն: Կան տարբեր սպորտային, երգի ևպարի խմբակներ:
Գյուղը ապահոված է խմելու և ոռոգման ջրով, մշտական կատարվում է աղբահանում:
Արցախյան պատերազմին գյուղից մասնակցել են ավելի քան 35 մարտիկներ: Գյուղում կա յոթ զոհվածների ընտանիք, մշտական ուշադրության կենտրոնում են և ստանում են աջակցություն:
Կուլտուրայի տան դիմաց 2002թ-ին կառուցվել է հուշակոթող խաչքար նվիրված հայրենիքի համար զոհվածների հիշատակին:
Հովտաշատ գյուղն ունի գիտության թեկնածուներ,, դասախոսներ, պետական պաշտոնյաներ և ավելի քան 100 ուսանողներ, որոնք սովորում են ԲՈՒՀ-երում: Բնակչությունը հիմնականում զբաղվում է անասնապահությամբ և բանջարաբոստանային կուլտուրաների մշակությամբ:

ՀՈՎՏԱՇԱՏ ՀԱՄԱՅՆՔԻ ՆԿԱՐԱԳԻՐԸ

andriasyan — Tue, 29 May 2012 16:37:13 GMT

Տարածքը ` 15.1կմ (1512 հա)
Բնակչությունը ` 3497 մարդ (2001թ)

Գյուղ Մասիսի տարածաշրջանում , Մասիսից 12 կմ հյուսիս – արևելք: Մարզկենտրոնից գտնվում է 32 կմ հեռավորության վրա: Նախկինում ունեցել է Մեխմանդար, Մեհմանդար , Միհմանդար, Շալլու, Շոռլու, Մեհմանդար անվանումները : Հովտաշատ է վերանվանվել 1978 թ- ին:
Գյուղը գտնվում է Արարատյան դաշտում , Հրազդանի և Արաքսի գետի միջագետքում : Ծովի մակարդակից ունի 832 մ բարձրություն : Կլիման չոր խիստ ցամաքային է : Ձմեռները սկսվում են դեկտեմբերի կեսին , հունվարային միջին ջերմաստիճանը տատանվում է -3-ից -5: Ամառը տևական է` մայիսից մինչև հոկտեմբեր , օդի միջին ամսեկան ջերմությունը հասնում է 24-ից 26 աստիճան , իսկ առավելագույնը` 42 աստիճան: Հաճախ լինում են խորշակներ , որոնք զգալի վնաս են հասցնում գյուղատնտեսությանը : Մթնոլորտային տարեկան տեղումների քանակը 250-300մմէ: Բնական լանդշավտները կիսանապատներ են , որոնք ոռոգման ընթացքում վեր են ածվել կուլտուրոռոգելի լանդշավտի: Ագրոկլիմայական տեսակետից համայնքն ընկած է բացարձակ ոռոգման գոտում:
1831թ-ին գյուղն ունեցել է 406,1897թ-ին` 1824, 1926 թ-ին` 1016, 1939թ-ին` 1300, 1979թ-ին` 2955: Ըստ 2005 թ-ի ազգային վիճակագրական ծառայության տվյալների գյուղի բնակչության թիվը կազմել է 3504 մարդ : Սեռային կազմում տղամարդիկ կազմում են 49% կանայք` 51%: Բնակչության մեջ մինչաշխատունակ տարիքի բնակիչները կազմում են 25 %, աշխատունակները `64 %, հետաշխատունակները ` 11%: Գյուղն ունի առկա 1009 տնտեսություն:
Ունի դպրոց , գրադարան, մշակույթի տուն, մանկապարտեզ, բուժամբուլատորիա:
Համայնքի տնտեսության մասնագիտացման ճյուղը գյուղատնտեսությունն է, համախառն բերքի մեծ մասը տալիս է բուսաբուծությունը: Գյուղատնտեսական նշանակության հողերը կազմում են շուրջ 1035 հա: համայնքի հողերի հիմնական մասն օգտագործվում են որպես վարելահողեր ` զբաղեցնելով մոտ 784 հա: Ունի պտղատու և խաղողի այգիներ , կազմելով 22 հա: Զբաղվում են այգեգոծությամբ, խաղողագոծությամբ, դաշտավարությամբ, բանջարաբուծությամբ : Մշակում են ջերմասեր բանջարաբոստանային կուլտուրաներ, ինչպես նաև հացահատիկային և կերային կուլտուրաներ : Արոտավայրերը զբաղեցնում են 102 հա, խոտհարք 26 հա : Զբաղվում են կաթնամսատու անասնապահությամբ, թռչնաբուծությամբ:
Համայնքի հիմնախնդիրների մեջ կարևորվում է ոռոգման ջրի հիմնախնդիրը, մանկապարտեզի շենքի վերանորոգման աշխատանքները: